Ngā Whakangungu o Te Aho Tū Roa
Whakangungu Tuatahi
Tukanga
He whakangungu tēnei mā ngā pouako o ngā kura rumaki, ngā kōhanga reo me ngā rōpū hapori hoki e hiahia ana ki te toro mai ki te kaupapa nei o Te Aho Tū Roa.
Ko tēnei te koeke tuatahi o ngā whakangungu, ki konei tūhura ai i ngā tukanga o te kaupapa, e hono hoki ki ētahi atu e kawe nei i te kaupapa.
Whakangungu Tuarua
Ko Au ko Koe, ko Koe ko Au
Kei ngā uri o Rangi rāua ko Papa e whakatinana nei i ngā kupu ōhākī a kui mā, a koro mā kia toi te kupu, toi te mana, toi te whenua, tēnā koutou katoa.
Nau mai e te wānanga, haramai e te pūkenga ki te wherawhera i ngā kai kei roto o tā tātou pūkete kōrero He Kete Taiao: Ko Au Ko Koe, Ko Koe Ko Au.
Mā te hunga kua whakangungua kētia ki ngā tukanga whakahaere i tā tātou kaupapa tēnei whakangungu.
Ka ruku i te ruku a te kawau, ka ruku hōhonu ki ngā kōrero o roto i te Kete Taiao nei.
Ngā Whakangungu
E rua ngā whakangungu o Te Aho Tū Roa. Ko te Tukanga te wānanga tuatahi e whakataki ana i te kaupapa. Ko Ko Au Ko Koe Ko Koe Ko Au te mea tuarua e ruku hohonu ana ki Te Kete Taiao me ōna āhuaranga o te whakatinanatanga. Me tutuki i a koe te whakangungu Tukanga i mua i te kuhunga ki Ko Au Ko Koe.
