Nei te reo pōwhiri o Te Aho Tū Roa, o Toimata, o Te Mauri Tau ki a koutou kia whakangungua, kia mau ki te aho wānanga o Te Aho Tū Roa.

​

Wā:

Ka tū ngā Whakangungu mai i te pōwhiri: 1.30pm i te ahiahi o te rā tuatahi tae noa ki te poroporoaki: 1.30pm i te ahiahi o te rā whakamutunga.

​

Wāhi:

Te Mauri Tau, 20 Cornwall Rd, Whāingaroa (Raglan)

 

Haria mai hoki ko te pukapuka Kete Taiao: Ko au ko koe, ko koe ko au.  Kāti, tohungia mai koa i raro mēnā kei te hiahia koe ki te hoko kete māu.

​

Ētahi māhukitanga mō te kaupapa nei

• Ko to tātou reo rangatira te reo o te whakangungu nei, ao pō, pō ao

• Kei a mātou te taha ki ngā mātarihi, ngā hīti, me ngā pera. Tēnā, haria mai koa he pāpanarua, he taora me ērā atu mea e pai ai tō noho (pērā mō te noho marae).

• Me noho mai koutou mō te roanga o te whakangungu nei (nō reirā me whakarite mō te hoki atu ki te kāinga ā muri mai o te 1:30pm o te rā whakamutunga)

 

Whakakīia tēnei puka rēhita, kātahi ka tukua mai. Mā mātou e whakahoki kōrero atu ki te whakamōhio atu menā he tūranga wātea, ā, ka tuku atu i te puka nama hei utu mā koutou.

​

Te utu mō te whakangungu:        

$375.00+GST ($431.25) mō ia tangata

 

Te rauemi mo te whakangungu:

He Kete Taiao - Ko Au Ko Koe, Ko Koe Ko Au

$125.00+GST ($143.75)

Te utu mō te katoa mō ia tangata:

$500+GST ($575.00)

 

Me utu i mua rānō i te hui, ki te whakatoka i tō tūranga ki te whakangungu nei. Ka puritia te utu e mātou mēnā ka taka te tangata mai i te whakangungu nei, i roto i te wiki i mua mai o te hui.

​

Ko ngā pepa rēhita me ngā utu ka tae wawe mai, ka whiwhi tūranga. Tekau mā rua noa iho ngā tūranga mō tēnei o ngā whakangungu. Nō reira kia kakama mai koutou.

​

Ina he pātai, he take anō tāu, tēnā, whakapā mai:

​