Hui Whakapakari Tuākana ki Te Taitokerau!

​

20 - 22 Whiringa-a-rangi 2020

Matapouri Marae

​

He kuaka mārangaranga, kotahi manu tau ki te tāhuna, tau atu, tau mai rā!  E te kāhui tuākana o Te Aho Tū Roa, nau mai, piki mai ki te Hui Whakapakari Tuākana ki Te Taitokerau.  Ko te reo pōwhiri o Tukaiaia e tangi iho nei i ngā paringa o te Ākauroa o Ngātiwai ki Matapouri e papaki mai nei! 

 

E hoa mā kia tere te RĒHITA mai - ka whati te tai, ka pao te tōrea!  Kia hui tahi tātou i raro i te tāhūhū o te Reo Māori  

• kia whai wāhi, kia whai wā ai tātou ki te wānanga tahi i runga i te manawa reka ki ngā taonga o tēnei kāinga, o tēnei taiao

• kia whakapakari i a tātou anō i roto i ngā nukanuka ako mātauranga

• kia toro ki ngā taonga tākaro Māori a ngā mātua tūpuna

• kia hanga kiriata mo ngā rangatahi o te motu 

 

Mauria mai ngā hū hīkoi me ngā kākahu kauhoe anō hoki!  He pūtea tautoko i tō haerenga mai i tawhiti ki Matapouri - kia rēhita mai koe ka tuku atu anō he pito kōrero whakamārama.

 

Mēnā he pātai, karawhiua mai ki a Kawiti Waetford - kawiti@teahoturoa.org.nz. Mauri ora!

​